Податоците од Државниот завод за статистика покажуваат значителен пораст на странските туристи кои ја посетиле Македонија. Во ноември 2024 година, земјата ја посетиле 66.701 туристи, од кои 68.4% биле странски, а 31.6% домашни.
Бројот на ноќевањата во истиот месец изнесувал 138.226, со доминација на странските туристи (61.4%), додека 38.6% се од домашните посетители.
Според податоците за периодот јануари–ноември 2024 година, бројот на туристите е зголемен за 8.3% во однос на истиот период минатата година. Домашните туристи бележат намалување од 1.0%, додека странските раст од 13.8%.
И бројот на ноќевањата во истиот период пораснал за 5.3%, со раст кај странските туристи од 9.2% и умерено зголемување кај домашните од 2.2%.
Овие бројки укажуваат на зголемен интерес на странците за Македонија како туристичка дестинација.
ИЗВОР: racin.mk
