Премиерот Христијан Мицкоски изјави дека гасните централи може да бидат решение за загадувањето, но процесот за нивна изградба ќе трае со години. Според него, најдобриот начин за намалување на загаденоста е промена на системот на затоплување во периодот од ноември до март, со фокус на еколошки горива, како што е централното затоплување, наместо фосилни горива.
„За да се остварат овие промени, потребно е да се изградат гасни централи. Работиме на тоа, а еден инвеститор веќе покажал интерес. Но, ќе биде потребно минимум 2 до 3 години за да се изградат овие централи и уште 5 до 6 години за да се изградат топловодни мрежи“, изјави Мицкоски, додавајќи дека ова го потврдува како инженер.
Премиерот зборуваше по завршувањето на централната литургија по повод Божиќ.
ИЗВОР: racin.mk
