Густа магла го обви познатиот мост „Голден гејт“, симболот на Сан Франциско

КАЛИФОРНИЈА (AA) – Рано утрово густа магла го покри мостот „Голден Гејт“ во подрачјето на заливот Сан Франциско во американската сојузна држава Калифорнија, создавајќи мистичен пејсаж , јавува Анадолу.

Фоторепортерот на Анадолу сними импресивни фотографии од местото Марин Хедлендс во Саусалито.

Луѓето се искачуваат на ридот Хок во Марин Хедлендс за да имаат најдобар поглед и да го фотографираат прекрасниот пејзаж.

Мостот „Голден Гејт“ е препознатливо обележје на градот Сан Франциско и еден од најпознатите мостови во светот.

Отворен е во 1937 година по четиригодишна борба на архитектите со немилосрдните ветрови, маглата, карпите и плимата и е еден од најголемите висечки мостови. Долг е 2,7 километри, а закотвен е со кули кои достигнуваат височина од 227 метри.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.