Според податоците на IQ Air, Скопје денеска се најде на неславното осмо место на листата на најзагадени градови во светот, со индекс на загаденост од 173. Ова ниво на загадување се смета за “нездраво” и може да предизвика сериозни здравствени проблеми, особено кај ранливите категории граѓани.
Индексот 173 укажува на високи концентрации на честички PM2.5 во воздухот, кои се главен причинител за респираторни и кардиоваскуларни заболувања. Граѓаните се советуваат да избегнуваат престој на отворено, особено во раните утрински и вечерните часови, кога концентрациите на загадувачите се највисоки.
Властите деновиве воопшто не се ангажирани за намалување на загадувањето преку различни мерки, а дел од граѓаните бараат поинтензивна акција за трајно решавање на овој долгогодишен проблем.
ИЗВОР: racin.mk
