Во израелските напади врз Газа се убиени 45.805 Палестинци, од кои 88 во последните 24 часа

ИСТАНБУЛ (АА) – Бројот на убиени Палестинци во Појасот Газа, каде израелската армија ги продолжува геноцидните нападите веќе 457 дена, се зголеми на 45.805, а во последните 24 часа убиени се уште 88 лица, известува Анадолу.

Во соопштението на палестинското Министерство за здравство во Газа се дадени информации за нападите што Израел ги извршува врз Појасот Газа веќе 457 дена.

Во „пет масакри“ што израелската армија ги изврши во различни делови на Појасот Газа во последните 24 часа, е објавено дека убиени се 88 Палестинци, а 208 се повредени.

Забележано е дека бројот на убиени во израелските напади врз Појасот Газа од 7 октомври 2023 година е зголемен на 45.805, а бројот на повредени изнесува 109.064.

Во соопштението се повторува дека сѐ уште има тела на убиени Палестинци под урнатините и на патиштата, но медицинските тимови и претставниците на цивилната одбрана не можат да стигнат до нив поради пречките наметнати од израелските сили.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.