ДПМНЕ лаже за експресниот пат Страцин – Крива Паланка затоа што СДСМ го заврши над 90% а тие го блокираа како опозиција, велат од СДСМ во соопштение.
„Првиот асфалт на експресниот пат Страцин – Крива Паланка е поставен уште во 2023 година.
Од увид во веќе започнатиот процес за асфалтирање има слики и објава на официјалната
Фејсбук страница на Јавното претпријатие за државни патишта на 23 ноември 2023 година.
(Лини до објавата: https://www.facebook.com/share/p/12J4Jdn9MSx/ )
Китењето со туѓи перја е едно но ова патолошко лаже ДПМНЕ зборува за нив и покажува колку се неспособни па мора да измислуваат дека нешто направиле.
За експресниот пат Страцин – Крива Паланка ДПМНЕ само пресече лента и направи неколку стотина метри асфалт и ништо друго. А како опозиција го блокираше проектот во Собранието.
Проектот за експресниот пат Страцин – Крива Паланка беше почнат во 2018 година, првиот асфалт беше поставен во 2023 година и над 90% беше завршен до првата половина на 2024 година, во време на СДСМ.
Да не беа блокадите на пратениците на ВМРО-ДПМНЕ овој пат можеше да се заврши уште во 2024 година.
Очекуваме и Мицкоски и ДПМНЕ денеска да излезат и да им се извинат на граѓаните за тоа што ги излажаа“, стои во соопштението на СДСМ.
ИЗВОР: ТВ 21
