Веднаш после Новата година, во петок на 3 јануари, Судскиот совет ќе избира нов претседател.
Изборот на нов претседател на Советот доаѓа на точно еден месец откако Весна Дамева на 2 декември поднесе оставка од оваа функција. Во образложението на оставката, Дамева наведе дека во последниот период од страна на одредени политичари се правеле обиди да се наруши нејзиниот личен интегритет.
Во оваа смисла, таа директно ги посочи премиерот Христијан Мицкоски и пратеникот од редовите на ВМРО-ДПМНЕ и член на извршниот комитет на ВМРО-ДПМНЕ, Антонијо Милошоски
Претходно денеска, премиерот Христијан Мицкоски одговараше на новинарски прашања во врска со најавеното разрешување на членови на Судскиот совет, за што тој рече дека не би се согласил оти начинот на којшто треба да се побара одоговрност од членовите на Советот е противуставен и незаконски, како што тврдат одредени експерти.
Од друга страна пак, од опозициската СДСМ го обвинуваат Мицкоски дека сака да го окупира судството преку неуставно распуштање на Судскиот совет
„Режимот дефинитивно се враќа. Најавите на Мицкоски дека владата планира да го распуши Судскиот совет со разрешување на 5 членови е чекор кон целосна окупација на судството од стрна на власта. Мицкоски сака судството да го стави под негова контрола. Ова значи газење на демократијата, газење на уставната поделба на власта и враќање кон мрачните времиња на политички прогон преку контролирани судии и судски процеси. Целосно спротивно на сите реформи и на она што Мицкоски го потпиша во планот за раст пред само неколку месеци во Брисел“, велат во СДСМ/.
ИЗВОР: racin.mk
