–Единствениот службен јазик на кој државата комуницира, а институциите меѓусебно зборуваат е македонскиот јазик, изјави претседателот на Собранието, Африм Гаши.
Новинар: Членот вели дека албанскиот е официјален во сите институции, господине Гаши, па тие можат да комуницираат и на албански.
Гаши: Тоа е преведен јазик.
Овие изјави на претседателот на Собранието, Африм Гаши, за статусот на албанскиот јазик во Северна Македонија се срамни, отворена лага и тешко предавство на албанскиот народ, историјата и тешко стекнатите права, реагира опозицискиот Европски фронт до спикерот на Собрание.
Запрашан за изјавите на Гаши, министерот Арбен Таравари рече дека игра со зборови може да има колку сакаме, но албанскиот не е еднаков со македонскиот.
-Албанскиот јазик не е еднаков со македонскиот јазик, овде сите се согласуваме. Пред 1991 година, пред независноста, официјални јазици во Македонија, според Уставот, биле македонскиот, албанскиот и турскиот. Сега тоа е македонскиот јазик и јазикот на 20% од населението што зборува албански. Мора да работиме во оваа насока, дали ќе кажеме …официјален е, не е официјален, вака или онака, не е еднаков! т.е. мора да инсистираме албанскиот јазик да остане како збор, а не како процент, изјави претседателот на АА/ВРЕДИ, Арбен Таравари.
Инаку, Гаши синоќа за време на интервјуто во Алсат своите изјави ги даде повикувајќи се на новиот ажуриран закон за македонскиот јазик, за кој истакна дека на почетокот на 2024 година го изгласало тогашното парламентарно мнозинство, заедно со албанските партии, но исто така врз основа на Законот за употреба на јазиците од 2018 година.
ИЗВОР: ТВ 21
