ИСТАНБУЛ (АА) – Новоизбраниот американски претседател Доналд Трамп денес изјави дека војниците на Кина управуваат со Панамскиот Канал „со љубов, но незаконски“, јавува Анадолу.
Трамп, во објавата на неговата платформа „Truth Social“ на Божиќ, изјави дека кинеското присуство има за цел да осигури САД да инвестираат милијарди долари во поправки без да имаат никакви придобивки.
„САД вложуваат милијарди долари за ‘поправки’ и не добиваат ништо за возврат“, рече тој.
Трамп, исто така, му се обрати на канадскиот премиер Џастин Трудо, нарекувајќи го „гувернерот Џастин Трудо од Канада“ и сугерираше дека Канада би можела да постигне значителни даночни намалувања и „ќе биде воено заштитена како ниедна друга земја никаде во светот“ доколку им се приклучи на САД како нивна 51. држава.
Осврнувајќи се на домашната политика, тој ги критикуваше радикалните левичари за наводно опструирање на американскиот судски систем и таргетирање на политичките противници, вклучително и него.
„Нивна единствена шанса за политички опстанок е да добијат помилување од (актуелниот претседател) Џо Бајден“, додаде тој.
Извор: Anadolu Agency (AA)
