Песков: Не е точно дека на европските претставници им предложивме мировен договор

January 9, 2023
1 min read

Портпаролот на Кремљ, Дмитриј Песков, го опиша тврдењето како уште една лага. Тој додаде дека новите испораки на западно оружје за Киев ќе ги продлабочат страдањата на украинскиот народ и нема да го сменат текот на конфликтот

Кремљ денеска го отфрли тврдењето на Украина дека висок руски функционер им ја претставил на европските претставници идејата за потенцијален мировен договор во Украина. Олексеј Данилов, секретар на Советот за национална безбедност и одбрана на Украина, во четвртокот на телевизија изјави дека Дмитриј Козак, заменик-шефот на претседателската администрација на Русија, се состанува со европски претставници во обид да го принуди Киев на неповолен мировен договор.

Портпаролот на Кремљ, Дмитриј Песков, го опиша тврдењето како уште една лага. Тој додаде дека новите испораки на западно оружје за Киев ќе ги продлабочат страдањата на украинскиот народ и нема да го сменат текот на конфликтот.

„Ова снабдување нема да може ништо да промени“,

изјави Песков на новинарите на дневниот брифинг.

Украина, која остварува одредени придобивки на бојното поле по инвазијата на Русија минатиот февруари, побара од своите западни сојузници да ѝ испорачаат тешко вооружување и противвоздушна одбрана како би ја свртела повеќе од 10-месечната војна во нејзина корист.

Песков денеска изјави и дека информациите на Москва дека 600 украински војници загинале во нападот на градот Краматорск се покажале како точни, и покрај информациите дека нападите ги промашиле своите цели.

„Кремљ е апсолутно убеден во точноста на тие информации, а јас ќе ве потсетам на зборовите на претседателот Владимир Путин дека главен извор на информациите било Министерството за одбрана“,

рече Песков.

Претходно „Ројтерс“ објави дека руските ракетни напади ги промашиле нивните цели во градот Краматорск и немало очигледни знаци на штета, и покрај тврдењата на Москва дека во нападите загинале 600 украински војници.

Извор: 360stepeni.mk

MARKETING

MARKETING

Претходно

Двајца разбојници среде бел ден ограбиле дистрибутер

Следно

За новогодишните и божиќните празници нема примено пациенти со повреда од петарди

Latest from Blog

Гиновска: Одговорно трврдам дека цијанид неколку стотици пати над дозволеното во Крива Река нема

Директорката на Државниот инспекторат за животна средина, Ивана Гиновска денеска оддржa прес конференција во врска со случувањата во рудникот Тораница, на која извести дека со огромна сериозност се пристапувало кон истиот, иако според

Милошевски: Македонија била инспирација за голем број странски сликари на преминот од 19 во 20 век

Во Музеј на Град Скопје вечерва, со почеток бо 19.30 часот, ќе се отвори изложбата „Странски сликари во Македонија во периодот 1850-1950“. Сликите се од приватната колекција на Влатко Милошевски. Ќе бидат

Таравари: Карадакоски починал поради 90 отсто оштетени дишни патишта и големата површина на изгореници

Директното оштетување на 90 проценти од дишните патишта од чадот кој што го вдишал, заедно со големата површина на изгореници која изнесува околу 36 проценти е причина за починувањето на 29-годишниот Алексдандар

Де Брујн се збогуваше со Манчестер сити!

По десет години Кевин Де Брујн го напушта Манчестер сити. Белгиецот своето заминување го потврди на социјалните мрежи објавувајќи порака со која се збогуваше со клубот каде што ги помина најдобрите денови
Go toTop