Форумот за измени во образованието предложи олеснување во плаќањето за јавниот превоз за студентите кои патуваат од други градови. Предлагаат две опции според словенечкиот модел.
„Прво е дека билетот има околу 10 патувања во текот на месецот и ќе чини околу 1.150 денари, додека другата опција е дека со околу 2.150 денари студентите ќе имаат можност да патуваат во текот на месецот колку што сакаат низ градот каде студираат и градот во кој живеат“, вели Бленди Ходаи.
Претседателот на Студентското собрание на УКИМ рече дека ќе протестираат доколку од идната година не важат автобуските билети кои студентите ги користат во Скопје за патување со автобусите за урбан превоз.
Заменик министерот за образование, Љуљзим Алиу рече дека новиот закон за средно образование предвидува решение и за превозот.
„Како што знаете, во обработка и во завршна фаза е изработката на законот за високо образование, законот за студентски и студентски стандард, во кој ќе бидат опфатени и средствата за превоз“, вели Љуљзим Алиу.
Инаку, пред 3 месеци, на прашањето дали МОН ќе го плати долгот кон ЈСП-Скопје за бесплатниот превоз на ученици во износ од 8 милиони евра, министерката Весна Јаневска рече дека фактурите се пристигнати, но нема правна основа за тоа Министерството да плати бидејќи нема договор или владина одлука.
ИЗВОР: ТВ 21
