Состанокот ќе послужи како можност за продолжување на новиот моментум за стратешкото партнерство меѓу Европската Унија и Западен Балкан, вклучително и размислување за тоа како да се продлабочи тоа партнерство и заедно да се оди напред кон заедничка иднина во Европската унија.
Главните теми на разговор ќе бидат, унапредување на интеграцијата ЕУ-Западен Балкан преку планот за раст, продлабочување на политички ангажман на ЕУ со Западен Балкан во повеќе области, вклучително и надворешната и безбедносната политика.
Градењето на економска основа за иднината и ублажување на влијанието на руската агресивна војна против Украина ќе биде една од темите како и соработка во управувањето со миграцијата и секако борбата против корупцијата и организираниот криминал.
За време на вечерата, лидерите ќе разговараат и за геополитичкиот контекст и предизвиците што ги засегаат двата региона.
Со самитот ќе претседава претседателот Антонио Коста, за прв пат во неговото ново својство на претседател на Европскиот совет.
На крајот на самитот се очекува да биде објавена декларација.
ИЗВОР: racin.mk
