Американскиот државен секретар Ентони Блинкен по средбата со молдавската претседателка Маја Санду на маргините на 59-та Минхенска безбедносна конференција изрази загриженост за „конспиративните обиди кои доаѓаат од Русија за дестабилизација на владата во Молдавија“.
Тој рече дека ги цени напорите што земјата ги прави за да се заштити. САД цврсто стојат со Молдавија во поддршка на нејзината безбедност, независност, територијален интегритет и напорите за реформи што ги преземаат претседателката и владата, соопшти Стејт департментот.
Претседателката на Молдавија, Маја Санду, им се заблагодари на Соединетите Американски Држави за сеопфатната помош што земјата ја добива „во соочувањето со тешките предизвици во енергетиката, економијата и безбедноста“, се додава во соопштението.
ИЗВОР: kurir.mk
