Во однос на состојбата во скривниците и нивното одржување, вечерва во дебатниот магазин „Click Plus“ на ТВ21 проговори и проф. Методи Хаџи Јанев.
Тој вели дека има девастација на целиот сектор речиси 30 години.
„Тоа е одраз на коруптивната слика на целово ова лидерство кое во изминативе 30 години ја воделе државата. Сите доајени на политикава се однесувале несоодветно кон целиот систем“, вели тој.
Како што вели, жал му е да каже што од целата таа Југославија по која се плука, очигледно не можеме да дотрошиме се колку она била направена и какви системи со какви вредности направила.
„Во изминативе 30 години покажавме дека дозволивме корпуцијата да преовладува. Сето ова е резултат на чиста корупција, нема друго решение, тоа значи дека имате несоодветен персонал кој се бавел со сектор безбедност, заштита на граѓани и.т.н и дозволил лукративни бизнис индивидуи да ги наметнат своите потреби и барања и да чуваат пиперки и патлиџани на места кои треба да бидат заштитени“, вели Хаџи Јанев.
ИЗВОР: ТВ 21
