И покрај „Иди ми… Дојди ми“ со Косово, нема исход за екстрадицијата на Демири и Исмаиловиќ

November 27, 2024
1 min read

Министерот за правда, Игор Филков, на прашањето до каде е постапката за екстрадицијата на Алил Демири и Африм Исмаиловиќ, кои македонските судови ги осудија на доживотна казна затвор за случајот ,,Монструм”, рече дека „процедурата е во тек а на исходот се чека во секој момент“ и дека „кога ќе дознаеме ние, ќе дознаете и вие“.

Неодмна по владината седница меѓу македонската и косовската влада во Приштина, премиерот на Косово, Албин Курти, рече дека прашањето е за судовите и јавните обвинителства на Македонија и Косово, и дека треба да им се даде уште малку време.

„Ние сме во ситуација кога имаме наследено старо прашање и тоа налага законски и судски третман за што нашите двајца министри даваат максимум за што поскоро да се реши. Да им дадеме уште малку време да го решат и да се погрижат за проблемот“, кажа Курти на заедничката прес-конференција со неговиот македонски колега Христијан Мицкоски.

Летово Министерството за правда повторно бара екстрадиција од Косово. Барањата се веќе доставени до Министерството за правда на Косово и се уште се чека одговор од нивна страна.

Екстрадиција беше побарана во 2018 година. Во 2021 година косовските власти ја одбија екстрадицијата за Исмаиловиќ, а за Демири немаше одговор.

Во судскиот процес за случајот познат како „Монструм“, на доживотен затвор беа осудени Алил Демири, Африм Исмаиловиќ и Агим Исмаиловиќ. Обвинетиот Фејзи Азири доби 15 години затвор, а Хаки Азири 9 години. Ослободителна пресуда поради недостиг на докази доби единствено обвинетиот Сами Љута. Исмаиловиќ и Демири се обвинети дека се двајца од тројцата непосредни извршители на убиствата кај Смилковско езеро.

На 12 април 2012 година, е извршено убиството на петмина лица со огнено оружје кај езерото во атарот на селото Смилковци, близу Скопје. Убиените се четири момчиња на возраст од 18 до 21 година од населбата Радишани: Филип Славковски, Александар Наќевски, Цветанчо Ацковски и Кире Тричковски, како и Борче Стевковски, 45 години, од селото Црешово. Обдукцијата врз убиените покажало дека во нив е пукано од три типа огнено оружје, зашто се најдени чаури од три различни типа муниција, што сугерира дека има повеќе од еден извршител на чинот. Убиството се случи во времето на големиот христијански празник Велигден.

ИЗВОР: racin.mk

MARKETING

MARKETING

Претходно

ВМРО-ДПМНЕ: Неврохирургот на Заев, Филипче во раководството има само верни слуги на Заев

Следно

Што значи загрозена безбедност на јавните финансии? Објаснува Глигор Бишев

Latest from Blog

Второ пријавување за упис во средните училишта, слободни над 16 000 места

Полуматурантите кои на првото пријавување во јуни не се запишаа во средно образование за учебната 2025/2026, денеска имаат втора можност за упис, на второто електронско пријавување овој месец. Потребната документација до училиштата

Кејн му пресуди на Фламенго

Најтрофејниот германски клуб; Баерн го елиминираше Фламенго, клуб со најмногу регистрирани навивачи во светот и резервира место во четвртфиналето на Светското клупско првенство на ФИФА: Баерн го победи Фламенго со 4:2 (3:1)

Трајаноски: Борбата против родовата еднаквост е дел од пропагандната војна на Русија против Западот

На панел-дискусијата „Полова ≠ Родова еднаквост: Каде згрешивме во разбирањето?“, Жарко Трајаноски, истражувач во Институтот за медиуми и аналитика ИМА, кој речиси 30 години активно работи на истражувања поврзани со родова еднаквост,

За Данска четврта титула од младинските ракометни Мундијали

Младинската репрезентација на Данска се закити со титулата на Светското првенство за ракометари до 21 година, надигрувајќи ја во големото финале селекцијата на Португалија со конечни 29-26. Данците одиграа перфектен турнир и

Антонели казнет за судирот со Верстапен

Возачот на Мерцедес, Андреа Кими Антонели, беше казнет со три места на стартната линија во Силверстоун поради судирот со Макс Верстапен денес. Италијанскиот пилот на Мерцедес го удри Макс во првиот круг
Go toTop