Израел соопшти дека е пронајдено телото на исчезнатиот рабин во ОАЕ

АНКАРА (АА) – Израелските власти денес соопштија дека е пронајдено телото на исчезнатиот рабин во Обединетите Арапски Емирати (ОАЕ), јавува Анадолу.

Рабинот Зви Коган, со израелско-молдавско државјанство, се водеше за исчезнат во ОАЕ од четвртокот, а преку заедничко соопштение од Кабинетот на премиерот Бенјамин Нетанјаху и Министерството за надворешни работи е потврдено дека неговото тело е пронајдено.

Во соопштението неговото убиство се нарекува „одвратен антисемитски терористички чин“ и се вети дека ќе се „дејствува со сите средства“ за да се изведат сторителите пред лицето на правдата.

Не се наведени никакви детали за локацијата каде што е пронајдено телото.

Сѐ уште нема коментар од властите на ОАЕ за израелското соопштение.

Коган бил дел од движењето Чабад во Абу Даби откако Израел ги нормализираше односите со ОАЕ кон крајот на 2020 година.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.