Градоначалникот на Шуто Оризари, Курто Дудуш, на денешниот протест за јавниот превоз остро ја критикуваше градоначалничката на Скопје, Данела Арсовска. Тој предупреди дека протестите ќе продолжат и следната недела, доколку барањата на општината не бидат исполнети.
Дудуш посочи дека граѓаните на Шуто Оризари се соочуваат со сериозен недостиг на јавен превоз, бидејќи над 90% од автобусите што ги опслужуваат линиите во општината се управувани од приватни превозници.
„За жителите на Скопје велите дека е неумесно да останат без јавен превоз поради недостаток од нафта. А што е зборот за жителите на Шуто Оризари кои 730 дена се без јавен превоз? Јас би рекол дека тоа е расистички, дискриминаторски и нехумано однесување“, изјави Дудуш.
Тој го критикуваше недостатокот на линија 61 како алтернатива и саркастично коментираше: „Немате залепено на автобусите на ЈСП, ‘забрането за Роми’, ама не мора. Вашите постапки зборуваат сами за себе“.
ИЗВОР: racin.mk
