Експертот за ЕУ, Малинка Р. Јорданова вечерва во дебатниот магазин „Click Plus“ на ТВ21 истакна дека Уставните измени не се сè што бара од бугарската страна.
Според неа, тоа е позната тактика наречена „салами“.
„Уставните измени не се дел од договорот за пријателство, тие се дел од Протоколот. Тие се наметнаа како услов во вториот дел од првата конференција, и тие не се се што се бара од бугарска страна. Ова е дел од тактиката салама, зошто се сервира едно парче кое треба да се проголта а потоа следат другите парчиња. Ова е едната работа што Бугарија ја бара, и мислам дека ние не треба да се преокупираме само со неа, туку и со другите за кои има пораки дека се на маса“, вели Јорданова.
ИЗВОР: ТВ 21
