Убиени се 31 лице во израелските напади на истокот и југот на Либан

БЕЈРУТ (АА) – Во нападите што израелската армија ги изврши во јужните и источните региони на Либан, животот го загубија 31 лице, известува Анадолу.

Либанското Министерство за здравство извести дека 6 лица, од кои 4 здравствени работници, се убиени во напад на објект што го користи Здружението за цивилна заштита во регионот Арабсалим Набатије, на југот на земјата.

Во израелски напад на областа Шааб во Баалбек, на истокот на земјата, убиени се 8 лица, меѓу кои 5 се жени, а 27 се повредени.

Во веста на либанската Национална новинска агенција (ННА) се наведува дека, според изјавата на локален лекар, 5 лица се убиени, а 7 се повредени како резултат на бомбардирање на куќа во Тир, на југот на земјата.

Уште две лица се убиени во воздушен напад и врз населбата Кана, во Тир.

Во израелскиот напад на Набатије, на југот на Либан, убиени се 4 лица, а Набатије е место на најтешките напади од почетокот на војната.

Израел ја разнесе и џамијата „Насер Саладин“, која се наоѓа во близина на Тир, во јужен Либан.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.