„Ќе се градат згради со поевтини станови во Скопје, Битола и Штип со цел да се намали цената“, рече министерот Николоски

Министерот за транспорт и врски Александар Николоски, денеска од Штип најави дека Акционерското друштво за изградба и управување со станбен и деловен простор има намера да гради згради за комерцијална продажба на станови со многу пониски цени, од оние кои ги имаат приватните инвеститори.

„Последната комерцијална зградата од ова претпријатие е изградена пред 13 години. Улогата на АДСДП е да ја регулира цената на пазарот.

За следната годниа ќе има план за градење во Битола, Штип и Скопје, со цел регулирање на цената на квадратот, кој отиде високо, па луѓето не може да купат стан“, рече Николоски.