Зеленски потпиша два нацрт-закона за продолжување на воената состојба на Украина и за мобилизација

ИСТАНБУЛ (АА) – Украинскиот претседател Владимир Зеленски денес потпиша два нацрт-закона за продолжување на воената состојба во земјата и за мобилизација, јавува Анадолу.

Според онлајн порталот на Врховната Рада, парламентот на земјата, статусот на двата нацрт-закони е ажуриран што укажува дека тие се примени со потпис на Зеленски.

Со потпишувањето на двата нацрт-закона, воената состојба и мобилизацијата во Украина се продолжени за уште три месеци, односно до 7 февруари 2025 година.

Зеленски ги поднесе двата нацрт-закона до парламентот на 28 октомври, а по еден ден беа усвоени од Врховната Рада.

Украинскиот претседател првпат прогласи воена состојба и општа мобилизација на 24 февруари 2022 година кога Русија започна, како што вели, „специјална воена операција“ во Украина.

Оттогаш мерките беа многупати продолжени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.