Репортерските екипи на АА од терен ќе известуваат за сите настани поврзани со изборите во САД

ВАШИНГТОН (АА) – Репортерските екипи на Агенција Анадолу (АА) за корисниците ќе известуваат од терен за претседателските и парламентарните избори во Соединетите Американски Држави (САД) кои започнаа денес.

Американците денеска излегуваат на гласачките места и избираат нов претседател на земјата и членови на Конгресот.

Станува збор за исклучително важни избори во кои за позицијата нов шеф на државата неизвесна трка водат кандидатката на демократите Камала Харис и нејзиниот републикански ривал Доналд Трамп.

Репортерите и фоторепортерите на Агенција Анадолу (АА) ги следат сите настани поврзани со изборниот процес и ќе известуваат од Вашингтон, Њујорк, Чикаго и Мичиген.

Со оглед на тоа што агенцијата Асошиејтед прес (АП) традиционално ги објавува прелиминарните изборни резултати од 1848 година, Агенција Анадолу (АА) ќе го искористи тој извор и резултатите ќе ги пренесува со соодветна графика, со реакциите и други детали.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.