АНКАРА (АА) – Во израелските напади врз Појасот Газа се убиени уште 96 Палестинци, со што вкупниот биланс на убиени Палестинци од 7 октомври минатата година се зголеми на 43.020, објави денес Министерството за здравство на енклавата, јавува Анадолу.
Министерството додаде дека досега во нападите се повредени околу 101.110 Палестинци.
„Израелските сили извршија пет масакри на семејства во последните 48 часа, што резултираше со 96 убиени и 277 повредени“, соопшти Министерството.
„Многу луѓе сè уште се заробени под урнатините и на патиштата бидејќи спасувачите не можат да дојдат до нив“, се додава.
Непочитувајќи ја резолуцијата на Советот за безбедност на Обединетите нации со која се повикува на итен прекин на огнот, Израел продолжи со својата брутална офанзива врз Појасот Газа од 7 октомври 2023 година.
Поради израелската офанзива врз Газа е раселено речиси целото население на енклавата, а тековната блокада доведе до сериозен недостиг на храна, чиста вода и лекови.
Напорите за посредување предводени од САД, Египет и Катар за постигнување договор за прекин на огнот во Газа и размена на заробеници меѓу Израел и Хамас не успеаја поради одбивањето на израелскиот премиер Бенјамин Нетанјаху да ја запре војната.
Израел се соочува со случај за геноцид пред Меѓународниот суд на правдата за неговите акции во Газа.
Извор: Anadolu Agency (AA)
