Претедателот на ЗЕЛС и градоначалник на Општина Кисела Вода, Орце Ѓорѓиевски денеска преку изјава за медиумите упати апел до градоначалниците на Струмица, Костадин Костадинов и на општина Карпош, Стевче Јакимовски да се вразумат и малку посериозно да погледнат на нивната одлука.
Како што вели, вратата во ЗЕЛС им е отворена.
„Доста несериозно од страна на двајцата мои колеги градоначалници е тоа што одредени нивни погледи кон ЗЕЛС или кон централните институции ги соопштуваат едниот преку Фејсбук статус, а другиот закажувајчи прес конференција без претходно да бидам како претседател на ЗЕЛС информиран за било какви недоразбирања или проблеми“, вели Ѓорѓиевски.
Тој додава дека досега не се информирани за било какви проблеми, а исто така не е стигнато ни барање за излегување од ЗЕЛС од страна на општините.
ИЗВОР: ТВ 21
