По катастрофалните поплави што ја зафатија Босна и Херцеговина, продолжува потрагата по исчезнатите. Според последните податоци, дваесеттина лица загинале, а уште толку се водат како исчезнати. Најтешко е во Јабланица каде што е прогласена тридневна жалост. Снимките од воздух сведочат за ужасот во областите погодени од поплавите.
„Се уште има седум лица кои се водат како исчезнати. Спасувачки операции има во сите погодени области. На располагање ни се и војската и еден специјален воен тим од Британија, како и тимови за заштита и спасување.“ – Дамир Шабановиќ началник на општина Јабланица.
Голем број жители од погодените подрачја останаа без домови.
„Водата ми ја однесе шталата, возилата, добитокот. Се ми е уништено“.
„Се почна во текот на ноќта, немаше можност ништо да се спаси. Водата носеше се пред себе. Дојдоа багери и успееја да извлечат некои од жителите“.
На терен во Јабланица се уште има околу 60 спасувачи од цела БИХ, Хрватска, а пристигнаа и колеги од Србија и ЕУ. Аспецијални тимови работат на воспоставување на сообраќајната, телекомуникациската и електроенергетската инфраструктура во погодените подрачја. Инаку, во Босна и Херцеговина се гласа на локални избори, Исклучок се општините каде што изборите беа одложени поради поплави и свлечишта.
Извор: 24vesti.mk
