ЊУЈОРК (АА) – Генералниот секретар на Обединетите нации (ОН) Антонио Гутереш изјави: „Неопходно е да се фокусираме на страшните настани што се случија на 7 октомври“ и посочи дека животите на луѓето во Газа се уништени и од тој ден трпат страшни болки, известува Анадолу.
Гутереш објави видео порака по повод 7 октомври.
Наведувајќи дека меѓународната заедница треба да ги осуди „страшните активности на Хамас“, Гутереш истакна и дека треба да се фокусираат и на настаните што се случија по 7 октомври.
Гутереш истакна дека се солидаризира со жртвите и нивните роднини.
„По 7 октомври избувна страшен бран на насилство“ вели во пораката Генералниот секретар на ОН и истакна дека нападите што Израел ги започна по 7 октомври ги уништија животите на жителите на Газа, изложувајќи ги на страшни страдања.
Наведувајќи дека сега либанскиот народ е подложен на болка и страдања, Гутереш продолжи со зборовите:
„Време е да се ослободат заробениците, да замолчи оружјето и да се запре болката што го опкружува регионот. Сега е време за мир, меѓународно право и правда“.
Нагласувајќи дека не треба да се откажеме од активностите за трајно решение за Израел, Палестина и останатите земји, Гутереш посочи дека само на тој начин земјите од регионот можат да живеат заедно во мир, достоинство и почит.
Извор: Anadolu Agency (AA)
