Екипи на турската Црвена полумесечина дистрибуираат храна и вода за жителите зафатени од поплавите во БиХ

САРАЕВО (АА) – Екипите на турската Црвена полумесечина синоќа беа на терен и им помагаат на жителите на подрачјата погодени од катастрофалните поплави во Босна и Херцеговина, известува Анадолу.

Делегацијата на турската Црвена полумесечина во Босна и Херцеговина соопшти дека се на терен и дека заедно со други спасувачки екипи, во координација на Црвениот крст на Босна и Херцеговина, им доставуваат храна и чиста вода на локалното население.

Најмалку 18 лица загинаа во катастрофалните поплави и свлечишта што ги предизвикаа поројните дождови во Босна и Херцеговина.

Според последните информации од МВР на Херцеговско-неретванскиот кантон (ХНК), на подрачјето на Јабланица загинале 16 лица.

Вчера беше соопштено дека во Фојница животот го загубила постара жена. Исто така, во градот Гојевиќи кај Фојница, во еден од поплавените автомобили е извлечено тело на маж.

За жал, бројот на жртви би можел да биде поголем бидејќи сѐ уште се трага по неколку десетици луѓе исчезнати во северна Херцеговина, но и во централна Босна, посочија официјални лица.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.