ПАРИЗ (АА) – Петер Шериф, кому му се судеше во случајот за нападот на зградата на магазинот „Шарли Ебдо“ во јануари 2015 година во француската престолнина Париз, е осуден на доживотен затвор, јавува Анадолу.
На Шериф му се судеше од 16 септември во Специјалниот висок кривичен суд во Париз за неговата вмешаност во нападот на „Шарли Ебдо“ во 2015 година.
Шериф (42), кој се приклучил на терористичката организација Ал Каеда во Јемен во периодот од 2011 до 2018 година, е обвинет дека го обучувал Шериф Куачи, кој го организираше нападот на „Шарли Ебдо“, за да може да го изврши овој напад и дека во 2011 година киднапирал тројца француски хуманитарни работници и ги држел повеќе од пет месеци.
Уверувајќи се дека обвиненијата се оправдани, судот го осуди Шериф на доживотен затвор. Наведено е дека оваа казна судот ја изрекол со оглед на сериозноста на обвиненијата против Шериф и степенот на опасност на обвинетиот.
Шериф призна дека учествувал како преведувач за време на киднапирањето на тројца француски хуманитарни работници, тврдеше дека немал никаква улога во нападот на „Шарли Ебдо“.
Во магазинот Шарли Ебдо“, пред и по нападот во јануари 2015 година, беа објавени навредливи карикатури со божјиот пратеник Мухамед. Во нападите на списанието „Шарли Ебдо“ и на еврејскиот пазар во Париз на 7 и 9 јануари 2015 година животот го загубија 17 лица. Одговорноста за нападот ја презеде терористичката организација Ал Каеда.
За нападите во 2020 година беа судени вкупно 14 лица, од кои три во отсуство. Судот им изрече казни од четири години до доживотен затвор за 14 обвинети, меѓу кои и браќата Саид и Шериф Куачи.
Извор: Anadolu Agency (AA)
