ТАЈПЕЈ (АА) – Силниот тајфун Кратон го погоди Тајван, при што загинаа две лица, а повеќе од 100 се повредени, објавија локалните медиуми денес, пренесува Анадолу.
Тајфунот донесе силен ветер и дожд, принудувајќи ги властите да ги затворат училиштата и канцелариите во сите градови и окрузи втор ден по ред, објави веб-страницата „Фокус Тајван“.
Две лица загинаа, а 102 се повредени, додека две се водат за исчезнати, изјави тајвански официјален претставник.
Поради силните ветрови и дождови, 58.109 домаќинства привремено останаа без струја – иако снабдувањето подоцна беше обновено, 3.490 домови сѐ уште се без струја, соопшти Министерството за економија.
Операторот на тајванскиот Меѓународен аеродром Таојуан соопшти дека досега се откажани повеќе од 200 летови.
Приватните бизниси, вклучувајќи ја и тајванската берза, останаа затворени денес.
Во некои делови на Тајван се забележани и свлечишта, поради што беше попречен сообраќајот и блокирани се патиштата.
Извор: Anadolu Agency (AA)
