ИСТАНБУЛ (АА) – Израелската армија истреби 902 палестински семејства во Појасот Газа од 7 октомври 2023 година, објави денес владината Канцеларија за медиуми во Газа, јавува Анадолу.
„Како дел од тековниот геноцид вршен од страна на израелската окупаторска армија со целосна американска поддршка, окупаторската армија истреби 902 палестински семејства, бришејќи ги од граѓанскиот регистар со убивање на сите нивни членови во период од едногодишниот геноцид во Газа“, соопшти Канцеларијата за медиуми.
Со неверојатни бројки, Канцеларијата истакна дека израелската армија „истреби 1.364 палестински семејства убивајќи ги сите нивни членови, оставајќи само по еден по семејство, и на сличен начин збриша 3.472 палестински семејства, оставајќи само две лица по семејство“.
„Овие масакри се случуваат со учество на неколку европски и западни земји кои ја снабдуваат окупацијата (силите) со смртоносно и меѓународно забрането оружје, како што се Велика Британија, Германија, Франција и други“, додаваат од Канцеларијата.
Оттаму ја повикаа „меѓународната заедница и сите меѓународни организации да извршат притисок врз американската администрација и криминалната окупација да го запрат геноцидот и да го запрат тековното и континуирано крвопролевање.“
Израел ја продолжи својата брутална офанзива врз Појасот Газа и покрај резолуцијата на Советот за безбедност на Обединетите нации која повикува на итен прекин на огнот, по нападот на Хамас на 7 октомври минатата година.
Оттогаш, во израелските напади убиени се речиси 41.700 Палестинци, главно жени и деца, а над 96.600 се повредени, според локалните здравствени власти.
Израелската офанзива го расели речиси целото население на Газа, а тековната блокада доведе до сериозен недостиг на храна, чиста вода и лекови.
Израел се соочува со обвинение за геноцид пред Меѓународниот суд на правдата поради неговите постапки во Газа.
Извор: Anadolu Agency (AA)
