Израелската Армија уби 40 Палестинци во напад врз јужниот дел на Газа

October 2, 2024
1 min read

ГАЗА (АА) – Најмалку 40 Палестинци се убиени во напад на израелската Армија рано утринава во јужниот дел на Појасот Газа, јавува Анадолу.

Медицински извор од Европската болница во Газа за Анадолу изјави дека 32 Палестинци кои биле убиени во израелското гранатирање на домовите на Палестинците во областите во источниот дел на градот Хан Јунис, биле донесени во болницата.

Друг извор од медицинскиот комплекс Насер за Анадолу изјави дека осум жртви биле извлечени од урнатините на домовите кои биле погодени.

Продолжуваат напорите за спасување на другите кои сѐ уште се водат како исчезнати, додаде изворот.

Очевидци за Анадолу изјавија дека израелската Армија извршила ненадеен упад во зори во источниот дел на Хан Јунис, отворајќи директен оган кон палестинските домови.

Израелските сили ги спречија спасувачките екипи и амбулантните возила да стигнат до погодените домови, јави дописникот на Анадолу од теренот.

Ненадејната израелска рација поттикна стотици Палестинци да ги напуштат своите домови, додаваат очевидците.

Десетици домови, земјоделски површини и инфраструктура беа сериозно оштетени по нападот, по што Армијата се повлече од областа.

Израел ја продолжи својата брутална офанзива врз Појасот Газа по нападот на палестинската група Хамас минатиот 7 октомври, и покрај резолуцијата на Советот за безбедност на ОН која повикува на итен прекин на огнот.

Повеќе од 41.600 луѓе оттогаш се убиени, главно жени и деца, а над 96.400 други се повредени, според локалните здравствени власти.

Израелскиот напад го расели речиси целото население на територијата поради тековната блокада што доведе до сериозен недостиг на храна, чиста вода и лекови.

Израел се соочува со обвинувања за геноцид пред Меѓународниот суд на правдата за неговите постапки во Газа.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Филипче и СДСМ безидејни- критикуваат, а не даваат решенија

Следно

Македонската јуниорска таеквондо репрезентација ќе настапи со четворица репрезентативци на светското јуниорско првенство во Чунчеон во Кореа

Latest from Blog

Алијансата на Албанците излегува од Владата – Таравари најави премин во опозиција

По состанокот на Алијансата на Албанците, претседателот Арбен Таравари вечерва на прес-конференција изјави дека ја напуштаат владината коалиција и преминуваат во опозиција. – Денеска Алијансата на Албанците едногласно одлучи да премине во

Брутално убиство во Србија: Во автомобил ја избодел поранешната сопруга

Тело на жена е пронајдено утринава во автомобил во приградска населба во Крагуевац, објавија српските медиуми. Според неофицијални информации, за убиство е осомничен Б.Р., поранешен сопруг на убиената 41-годишна жена. Жената наводно

Салија во 24 анализа: Бараме ние како средно медицински персонал да бидеме препознаени и да имаме наш закон и наша комора

Џеват Салија, медицински техничар од болницата во Гостивар во 24 анализа рече дека, ситуацијата со медицинските сестри е специфична. Според него, најголем проблем е тоа што не се пепознаени и не се

Алијанса за Албанците ја напушта Владата, Таравари: Одлучивме да се вратиме кај народот!

По околу два часа состанок, Алијансата за Албанците донесе одлука да ја напушти владата и да премине во опозиција.  Како што информираше Арбен Таравари, до оваа одлука дошле поради незадоволства, при што ги спомена балансерот и законот за јазиците.  Таравари меѓу другото рече дека ќе му се вратат на граѓанинот и дека Алијанса за Албанците е уникатна партија. ИЗВОР: ТВ 21
Go toTop