Туркије: Во Истанбул на затворска казна осудени 37 лица поради шпионажа за израелски Мосад

September 18, 2024
1 min read

ИСТАНБУЛ (АА) – Високиот кривичен суд во Истанбул денес осуди 37 лица за шпионажа за израелската разузнавачка агенција Мосад, јавува Анадолу.

Судот ги осуди Ахмет Корај Озгурун и Алперен Еркут по осум години и четири месеци затвор откако беа прогласени за виновни за „прибирање забранети информации со цел шпионажа“.

Другите 35 обвинети добија по шест години и осум месеци затвор за слично дело.

Кога судот ја објави пресудата, мнозинството од осудените беа присутни или застапувани од нивните адвокати. Пред пресудата адвокатите на одбраната тврдеа дека нема конкретни докази против нивните клиенти и побараа нивно ослободување.

Судот ослободи 19 лица од обвинението за „собирање забранети информации заради шпионажа“ бидејќи немало доволно докази за докажување на нивното дело.

Претходно главниот јавен обвинител на Истанбул во обвинението наведе дека израелската разузнавачка служба користела мобилни апликации за спроведување операции на шпионажа.

Според документот, израелската разузнавачка служба формирала онлајн тим за далечинско прибирање средства, трансфер на пари преку курири и извршување тактички мисии за конкретни операции.

Во обвинението се наведува дека првичниот контакт е направен преку апликации како што се Телеграм, ВатсАп, профили на социјалните мрежи, ЛинкедИн и е-адреси.

Комуникацијата беше строго ограничена на овие апликации, без дозволени видео или гласовни повици. Исто така, наведено е дека плаќањата за овие задачи се извршени со користење меѓународни услуги за трансфер на пари, преку криптовалути, курири.

Детективи биле користени за посложени задачи, а на осудениците, за кои било веројатно дека нема да предизвикаат сомнение, им биле доделувани тактички улоги.

Тие имале задача да менаџираат со групи на ВатсАп, да дизајнираат веб-страници и онлајн весници, да спроведуваат истражување, да префрлаат пари, да документираат фотографии и видеа, па дури и да вршат физички напади, кражби и операции за надгледување.

Од друга страна, детективите имале задача да собираат биографски информации, да спроведуваат истраги, да надгледуваат цели и да пристапуваат до чувствителни информации од државните бази на податоци.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Иван Перишиќ потпиша за ПСВ

Следно

Дамева и Нанев се „судрија“ јавно – таа бара негова одговорност, а тој тврди дека го мрази

Latest from Blog

Алијансата на Албанците излегува од Владата – Таравари најави премин во опозиција

По состанокот на Алијансата на Албанците, претседателот Арбен Таравари вечерва на прес-конференција изјави дека ја напуштаат владината коалиција и преминуваат во опозиција. – Денеска Алијансата на Албанците едногласно одлучи да премине во

Брутално убиство во Србија: Во автомобил ја избодел поранешната сопруга

Тело на жена е пронајдено утринава во автомобил во приградска населба во Крагуевац, објавија српските медиуми. Според неофицијални информации, за убиство е осомничен Б.Р., поранешен сопруг на убиената 41-годишна жена. Жената наводно

Салија во 24 анализа: Бараме ние како средно медицински персонал да бидеме препознаени и да имаме наш закон и наша комора

Џеват Салија, медицински техничар од болницата во Гостивар во 24 анализа рече дека, ситуацијата со медицинските сестри е специфична. Според него, најголем проблем е тоа што не се пепознаени и не се

Алијанса за Албанците ја напушта Владата, Таравари: Одлучивме да се вратиме кај народот!

По околу два часа состанок, Алијансата за Албанците донесе одлука да ја напушти владата и да премине во опозиција.  Како што информираше Арбен Таравари, до оваа одлука дошле поради незадоволства, при што ги спомена балансерот и законот за јазиците.  Таравари меѓу другото рече дека ќе му се вратат на граѓанинот и дека Алијанса за Албанците е уникатна партија. ИЗВОР: ТВ 21
Go toTop