Оркестриран напад од грчки и бугарски медиуми кон македонскиот премиер Мицкоски

September 15, 2024
1 min read

Грчкиот весник Етнос објави текст со наслов ,,Mицкоски: Мојата земја ќе ја нарeкувам Македонија” во кој се обвинува македонскиот премиер дека ја провоцира Грција.

-Продолжуваат провокациите од Премиерот на Северна Македонија, Христијан Мицкоски, кој повтори дека ќе ја нарекува својата земја „Македонија“, повикувајќи се на неговото „човеково право“. „Ова го претставува моето право на (слободно) изразување. Јас го кажав ова. Онаму каде што е потребно да се почитуваат Уставот и законите морам да ги почитувам. Дали ми се допаѓа или не е друга работа. Дали ми се допаѓа или не, можам да кажам на друго место. Додека ја вршам оваа функција, каде што Уставот и законот мора да се почитуваат (…) Вака стојат работите. Но, моето право на слободно изразување, правото на (слободен) говор е неотуѓиво право. И, да, го користам терминот Македонија и ќе го користам терминот Македонија, бидејќи тоа е мое човеково право и никој не може да ми го одземе“, се цитира дел од изјава на Мицкоски дадена во интервју.

Сосема на крај грчкиот весник ја пренесува и изјавата на Мицкоски за Договорот од Преспа: „Јас бев еден од оние политичари кои пред пет години кажаа дека тоа е реалност, но дека е лошо, штетно, да, пак ќе кажам.

Со идентичен наратив Мицкоски беше нападнат и од грчкиот весник Прото Тема со наслов „Мицкоски повторно предизвикува: Го користам и ќе го користам терминот Македонија, тоа е мое право“.

Со истите зборови Мицкоски го напаѓаат и телевизите „Скај“ и „Мега“.

РЕАКЦИИ ПО САМИТОТ НА НАТО

Ова не е прв случај на оркестриран напад од грчките медиуми насочен кон премиерот Мицкоски. Првите реакции од медиумите од јужниот сосед дојдоа веднаш по самитот на НАТО.

Премиерот на Северна Македонија Христијан Мицкоски, својата земја ја нарече – Македонија, а неговата влада – македонска влада, се велеше во забелешките на грчките медиуми кои излегоа со реакции веднаш по говорот на македонскиот премиер на Самитот на НАТО во Вашингтон.

Тогаш на ваквите написи претходеше и изјавата на грчкиот премиер Киријакос Мицотакис кој истакна дека е сериозно загрижен од тоа што новата влада на Северна Македонија во внатрешната комуникација сè уште се нарекува Република Македонија.

ПО ГРЧКИТЕ ВО ОРКЕСТРИРАН НАПАД И БУГАРСКИТЕ МЕДИУМИ

Што се однесува до Бугарија и бугарските медиуми, најмногу ги погоди најавата на Мицкоски дека овој месец ќе оди во Брисел да го презентира предлогот за уставни измени со одложено дејство.Македонскиот премиер има дециден став дека Македонија не може да го исполни барањето без да има гаранции дека тоа е последно барање и дека потоа нема да има нови и нови услови од Софија.

Повикан за ова се најде поранешниот амбасадот во Македонија Ангел Димитров и актуелен претсадател на бугарската комисија за историја.

Тој смета дека т.н француски предлог не е бугарски туку европски став.

ИЗВОР: kurir.mk

MARKETING

MARKETING

Претходно

Запалени три возила во Расадник

Следно

Ива Младеновска на 17-годишна возраст дебитираше во ЛШ

Latest from Blog

Возел со 1,58 промили алкохол во крвта – уапсен ресенчанец 

На 13.05.2025 во 00.40 часот на ул.„Ленинова“ во Ресен, полициски службеници од Полициското одделение за безбедност на патниот сообраќај го лишиле од слобода Х.Б.(68) од Ресен. При сообраќајна контрола било сопрено патничко

Ретроспективна изложба на Анета Светиева

И оваа година, Националната галерија продолжува со својата мисија. Имаме особено задоволство да го најавиме претставувањето на творештвото на Анета Светиева. Изложбата ќе биде поставена во Даут пашиниот амам до крајот на

КАНСКИОТ ФЕСТИВАЛ ЗАБРАНИ ГОЛОТИЈА НА ЦРВЕНИОТ КИЛИМ

Црвениот килим на Канскиот филмски фестивал е можеби најстрого контролираниот црвен тепих во светот. Сега, фестивалот додаде нова одредба: без голотија. Иако голотијата никогаш претходно не беше одобрена на фестивалот, Кан ја

СДСМ: Мицкоски ја води државата во провалија затоа Таравари ја напушти Владата

Излегувањето на Алијанса за Албанците од Владата е доказ дека полека, но сигурно и граѓаните и политичките партии кои се уште се дел од владината коалиција гледаат дека Мицкоски ја води државата

Израелски министер: Планот за иселување на Палестинците од Газа „сè уште на маса“

Израелскиот министер за енергетика Ели Коен синоќа изјави дека планот на американскиот претседател Доналд Трамп за дислокација на Палестинците од Појасот Газа „останува на маса“. Говорејќи за израелскиот јавен радиодифузер КАН, Коен
Go toTop