Бројот на загинати во тајфунот Јаги во Мјанмар се искачи 163

АНКАРА (АА) – Бројот на загинати во силниот тајфун Јаги во Мјанмар се искачи на 163, објавија денес државните медиуми, пренесува Анадолу.

Повикувајќи се на властите, „Глобал њуз оф Мјанмар“ објави дека околу 74 лица се потврдени за мртви, додека уште 89 се водат за исчезнати од невремето, кое ја погоди земјата минатиот викенд.

Операциите за пребарување и спасување се во тек, поплавите уништија над 65.000 куќи, 24 мостови, 375 училишта и пет брани, а повеќе од 235.000 луѓе се раселени.

Поплавите предизвикани од врнежите од дожд поплавија големи делови од обработливото земјиште во централните делови на земјата, како и во околината на престолнината Најпидау.

Одрони се случија во неколку ридски области, кои оштетија патишта и мостови, како и телефонските и интернет линиите.

Јаги, најсилната бура што го погоди регионот во последните три децении, досега ги зеде животите на вкупно 350 луѓе во Виетнам, Лаос, Тајланд и Мјанмар.

Воената хунта на Мјанмар веќе упати ретко барање за странска помош за справување со поплавите.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.