Последните 24 часа се убиени 48 Палестинци во израелските напади врз Газа, 40.786 од 7 октомври

ИСТАНБУЛ (АА) – Израелската Армија во последните 24 часа изврши напади врз Појасот Газа во кои уби 48 Палестинци и повреди 70, известува Анадолу.

Палестинското Министерство за здравство во Газа објави информации за нападите на Израел врз Појасот Газа во текот на 332 дена.

Во соопштението се наведува дека во 3 масакри што израелската Армија ги изврши во Појасот Газа во последните 24 часа убиени се 48 лица, а 70 се повредени.

Со последните загинати, бројот на убиени Палестинци во нападите на Израел врз Појасот Газа од 7 октомври 2023 година се зголеми на 40.786, а повредени се најмалку 94.224.

Во соопштението се нагласува дека под урнатините и покрај патиштата сѐ уште има загинати Палестинци, но поради израелските сили, медицинските тимови и претставниците на цивилната одбрана не се во можност да стигнат до телата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.