На 47 годишна возраст по повеќегодишни компликации со здравјето, почина новинарот Саше Димовски. Во новинарската фела, припаѓаше на неформалната групација која следи судство, цел работен век.Владеењето на правото во државава, имаше силен сојузник во Саше Димовски, со години низ многу електронски и пишани медиуми и неговиот портал ,,Сведок”, објавувајќи и информирајќи за состојбите во правосудството, за корупцијата во овие редови, за наместени судења за политички и бизнис влијанија.
Само пред неколку дена беше избран за член на Комисијата за помилување на претседателката Гордана Силјановска Давкова, а беше и дел од Советот на честа при ЗНМ.. секаде каде што требаше да се покаже професионализам, етика и еснафство.
Почивај во мир Саше Димовски, што и да се напише за тебе и за твојата работа и придонес за јакнење на професионалното новинарство и бескрупулозноста кога е во прашање вистината и објективното информирање, ќе биде премалку.
Владеењето на правото ,,изгуби” верен борец новинарството вреден и посветен колега од кој можеше да се научи многу.
Извор: 24vesti.mk
