Во најновиот извештај на Транспаренски интернешнл Македонија случаите кои се поврзани со можна корупција во последниот месец се поделени на два дела, „бистри и матни“.
Влезот на Обвинителството во Академијата на судии и јавни обвинители е класифициран како најматен случај каде судските власти истражуваат кривично дело – примање награда против законско влијание. Во извештајот на оваа невладина организација која редовно објавува истражувања поврзани со борбата против корупцијата може да се забележи дека под лупа се ставени и анкетните листови на пратениците, каде е констатирано дека неколумина не си ја завршиле домашната задача, односно не доставиле извештај каков движен и недвижен имаот поседуваат.
„Не значи дали е поголема или помала корупцијата, можеби во одредејн период тоа значи дали се обзнанува, дали повеќе се гони корупцијата. Она што може да се види од извештајот е дека бројот отприлика е ист како и претходно. Не може да кажеме дека имаме некое значително поместување во борбата против корупцијата сепак борбата против корупцијата е еден селожен проблем кој бара еден поголем и поопширно дејствување со цел истата да се сузбие.“ – вели Благоја Пандовски претседател на Транспаренски интернешнл Македонија.
Таканаречените „бистри“ случаи во извештајот на Трансаренски се однесуваат на активности на истражителите во однос на несовесно работење и злоупотреба на службена положба. Во последниот извештај на Европската комисија се констатира дека постои распространета корупција, без напредок во судството, прекумерна употреба на европското знаме и политичката поларизација.
Според Индексот на перцепција на корупцијата за ланската година, Македонија е рангирана на 76 место од 180 држави во светот.
Извор: 24vesti.mk
