МЕКСИКО СИТИ (АА) – Вработените од различни ресторани се собраа на годишниот Торта фестивал во Мексико за да подготват колосална 76-метарска „торта“, традиционален мексикански сендвич, во обид да постават нов светски рекорд. Тимот успеа да го направи огромниот сендвич за само две минути и десет секунди, надминувајќи го сопствениот рекорд поставен претходната година за најдолг торта-сендвич во светот, јавува Анадолу.
Хозе Палма Гузман, еден од учесниците на настанот, го изрази својот ентузијазам:
„Да се биде скараџија и да се учествува на овој настан претставува спектакуларно искуство. Тоа е нешто што тече во крвта. Емоцијата што може да им ја дадете на луѓето учествувајќи во овој момент и споделувајќи од она што го работите е навистина посебна.“
Рикардо Ким, друг учесник, во врска со предизвикот рече: „Подготовката на торта-сендвичот донесе комбинација од нервоза и возбуда, со големи емоции во текот на процесот.“
Во 2022 година учесниците поставија рекорд правејќи сендвич со должина од 73,76 метри. Годинашниот обид ја продолжи традицијата на поместување на кулинарските граници и одбележување на мексиканската кујна на овој фестивал.
Извор: Anadolu Agency (AA)
