300 специјализанти од вкупно 647 ќе бидат вработени до крајот на годината, а уште 300 ќе останат за следната, најави Министерот за здравство, Арбен Таравари.
Нема да се чека новиот Буџет за вработувања на приватните специјализанти и работниците со договор на дело во здравствените установи, со што Министерството за финансии се задолжува до декември 24-та да обезбеди дополнителни финансиски средства во износ од 38.000.000,00 денари за вработување на првите 300 приватни специјализанти.
Најпрвин ќе се направи регистар, односно база со податоци од специјализантите, потоа анализа за тоа каде најмногу недостигаат и на крај истите ќе се вработуваат според утврдени критериуми.
Освен специјализантите, ќе се бара решение и за оние со договор на дело. Иако со години работат и дежураат исто како и оние што веќе имаат решенија за вработување, на почетокот на годината Министерството изброи вкупно 1.117 лица што со години работат со договор на дело во здравствените установи.
Тогашниот министер за здравство, Фатмир Меџити, велеше дека ќе побрза да ги заврши сите постапки пред изборите за и тие да бидат трајно вработени, но половина година подоцна за овие работници решенијата се сè уште само во најава и како што најави и денес сегашниот министер, се очекува решение за овој медицински персонал до крајот на годината.
Извор: 24vesti.mk
