ГАЗА (АА) – Во напад на израелската војска врз бегалскиот камп Нусејрат во централниот дел на Појасот Газа, убиена е Палестинка која била во деветтиот месец од бременоста, но лекарите успеале да го спасат нејзиното бебе, јавува Анадолу.
Како што објави палестинската новинска агенција ВАФА, лекарите во болницата „Авде“ во бегалскиот камп Нусејрат изведоа успешна операција и го спасија бебето од стомакот на трудницата која била донесена мртва во болница во раните утрински часови.
Бебето, благодарение на огромните напори на медицинскиот тим и лекарите, е родено со царски рез. Потоа е сместено во инкубатор на одделението за новороденчиња во болницата „Акса“.
Успешната операција ја извршиле акушерките.
Болницата „Авде“ обезбедува здравствени услуги како единствена болница која обезбедува гинеколошки и акушерски услуги во централниот дел на градот од почетокот на израелскиот масакр над Појасот Газа.
Извор: Anadolu Agency (AA)
