ПРАГА (АА) – Данскиот министер за правда Питер Хумелгард вчера соопшти дека владата се подготвува да претстави нацрт-закон за воени злосторства, известува Анадолу.
Министерот Хумелгард во објави дека данската Влада има намера наесен до парламентот да поднесе предлог-закон за воени злосторства.
„Важно е да испратиме јасна порака до светот, а особено до жртвите, дека нема да прифатиме воени злосторства или слични меѓународни злосторства“, рече министерот за правда Хумелгард.
Во 2023 година, Хумелгард ја задолжи парламентарната комисија да подготви нацрт-закон што би можел да биде вклучен во кривичниот закон што се однесува на воените злосторства.
Министерството за правда потврди дека надлежната комисија ја завршила работата по препораките за конкретни воени злосторства и злосторства против човештвото.
Со усвојувањето на овој предлог-закон во парламентот, Данска повеќе нема да биде една од последните европски земји без посебни закони за воени злосторства.
Законот за воени злосторства беше промовиран минатата година по предлог на опозициската Социјалистичка народна партија и беше поддржан од владата.
„Мислам дека е важно пред сè да се каже дека воените злосторства се незаконски во данскиот кривичен закон“, рече тогаш Хумелгард, истакнувајќи дека е важно да се воведе криминализација на воените злосторства.
Извор: Anadolu Agency (AA)
