МОСКВА (АА) – Руските специјални единици упаднаа денес во Центарот за притвор на југот од земјата, елиминирајќи ги затворениците кои за заложници зедоа двајца вработени, пренесува Анадолу.
Новинската агенција на Руската Федерација, РИА Новости, повикувајќи се на информации добиени од Федерално казнено-поправната служба на Русија, објави дека не се повредени заложниците во истражниот затвор во Ростов на Дон.
Во веста се вели дека се ликвидирани киднаперите на заложниците. Други локални медиуми известуваат дека некои од заробениците се убиени.
Претходно руската државна агенција ТАСС, повикувајќи се на неименувани извори на полицијата, објави дека шестмина киднапери се наоѓаат во централниот двор на Затворскиот центар број 1 во областа Ростов, вооружени со џепно ноже, гумена палка и секира. Меѓу затворениците се наоѓале и лица обвинети за врски со ДЕАШ.
Извор: Anadolu Agency (AA)
