Телата на деветмина Палестинци се извлечени од урнатините во Рафа

ГАЗА (АА) – Телата на најмалку деветмина Палестинци се извлечени од урнатините во Рафа, јужниот дел на Појасот Газа, известува Анадолу.

„Донесени се телата на деветмина Палестинци од различни области на градот Рафа“, изјави за АА медицинско лице од Европската болница во градот Хан Јунис.

Телата се извлечени од куќи кои претходно биле бомбардирани од израелската армија.

Сведоците изјавија дека десетици тела сѐ уште се затрупани под зградите урнати од израелските бомбардирања, додавајќи дека последните денови многу распаднати тела биле пронајдени на улиците во јужниот дел на градот во кој израелските сили упаднале на 6 мај.

Најмалку 37.296 Палестинци се убиени во израелската офанзива врз Појасот Газа од 7 октомври минатата година, соопшти во денес Министерството за здравство во опколената палестинска енклава.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.