Поранешни вработени во Спејс икс го тужат Илон Маск, тврдејќи дека биле отпуштени „неправедно“

ЊУЈОРК (АА) – Осум лица отпуштени од Спејс икс поднесоа тужба против сопственикот на компанијата, Илон Маск, тврдејќи дека се отпуштени поради „критикување на работната средина“, јавува Анадолу.

Поранешните вработени тврдат дека биле отпуштени во 2022 година поради писмо што го испратиле до раководството за проблемите на работа.

Четворица од потписниците на писмото веднаш по испраќањето на писмото добија отказ, а останатите беа отпуштени по внатрешна истрага.

Како доказ во тужбата, тие наведоа и некои од објавите на Маск на социјалните мрежи во кои се тврди дека нивните поплаки за несоодветната работна средина во Спејс икс често биле игнорирани.

Од компанијата бараат паричен надомест со образложение дека биле „неправедно отпуштени“.

Во писмото што го испратија до раководството во наведениот период, работната средина беше наречена „засолниште за животни“ и беше наведено дека објавите на Маск на платформата X се „срамни“.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.