Во Скопје постигнат договор за избор на генерален секретар на Регионалниот совет за соработка

June 12, 2024
1 min read

СКОПЈЕ (АА) – Министерот за надворешни работи на Северна Македонија, Бујар Османи, изјави дека е постигнат договор за да се избере генерален секретар на Регионалниот совет за соработка (РСС), односно со унанимност е предложен кандидатот Амер Капетановиќ од Босна и Херцеговина, јавува Анадолу.

Во главниот град на Северна Македонија, земја која претседава со Процесот за соработка на Југоисточна Европа (ПСЈИЕ), утре ќе се одржи состанок на министрите за надворешни работи и Самит на шефови на држави и влади на учесниците во ПСЈИЕ, на кој ќе учествуваат делегациите на 13 учесници во Процесот, претставници на Европската Унија и на Регионалниот совет за соработка (РСС).

Министерот во заминување Османи истакна дека постигнатиот договор за избор на генерален секретар на РСС е „уште еден голем успех на меѓународен план на нашата дипломатија“.

Тој објасни дека во Процесот имало пет кандидати и спротивставени ставови од земјите учеснички, додавајќи дека ова е голем успех и за РСС бидејќи во последните три години имало вршител на должноста генерален секретар.

„По три години, три претседавања и многу обиди да се избере генерален секретар на Советот за регионална соработка, еве имам задоволство да најавам дека денес во Скопје има ‘бел дим‘ на состанокот на политички директори на 13 земји учеснички во Процесот за соработка во Југоисточна Европа и избран, односно номиниран со унанимност е кандидат за генерален секретар на РСС, а тоа е господинот Амер Капетановиќ од Босна и Херцеговина“, рече Османи.

Тој додаде дека Северна Македонија завршува со уште едно успешно претседавање со меѓународна иницијатива, кое започна во јули 2023 година под мотото „Премостување поделби, градење на доверба“.

Османи, исто така, најави дека на состанокот на шефовите на држави, на кој домаќин ќе биде претседателката Гордана Силјановска Давкова, очекува да се усвои заедничка декларација на 13 земји и да се констатира одлуката на политичките директори.

ПСЈИЕ е регионална иницијатива во која членуваат 13 земји: Северна Македонија, Туркије, Албанија, Босна и Херцеговина, Бугарија, Грција, Романија, Србија, Хрватска, Молдавија, Црна Гора, Словенија и Косово.

Иницијативата има цел да создаде атмосфера на доверба, добрососедски односи и стабилност.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Курти: Војската на Косово никогаш не била поголема и повооружена од денес

Следно

Фоторепортерот Јуриј Козирев гостин на „Istanbul Photo Awards Talks“

Latest from Blog

Дарио Ивановски и Андријана Поп Арсова најбрзи на трката во Скопје

Македонските натпреварувачи Дарио Ивановски и Андријана Поп Арсова триумфираа на деветтото издание на „Халк Еко Скопје трча 10км“. Ивановски беше најбрз на патеката и оствари време од 30.59 минути, додека зад себе

Предложен притвор за лицето во кичевско кое со секира го убил својот татко, а и нанел тешки повреди на својата мајка

Основното јавно обвинителство Кичево поведе истражна постапка против едно лице осомничено за едно кривично дело – Убиство од член 123 став 2 точка 2 и еден обид за убиство според истата правна

Македонија повторно во европската елита, обезбеди учество на континенталното првенство во ракомет во 2026

Ракометната репрезентација на Македонија триумираше над Литванија со 26:17 (13:11) во дуел од квалификаците за пласман на Европското првенство во 2026 година. По победата пред полни трибини во СЦ „Јане Сандански“, Македонија

Кузмановски: Сакаме да сме пример за младите, како што за нас беа Кире, Столе, Жути

Капитенот Филип Кузмановски повторно ја водеше Македонија до нова победа во квалификациите, овој пат вредна за пласман на ново Европско првенство. „Навистина пред сè сакам да се заблагодарам на целата публика за

Дрво падна врз автомобил во Струмица

Вечерва околу 20 часот, дрво паднало врз автомобил во Струмица, на улицата Ванчо Китанов. Регирала и противпожарната служба, и за среќа нема повредени. „Вечерва (недела) 11.05.2025 година, околу 20.00 часот на ул.Ванчо
Go toTop