АНКАРА (АА) – Најмалку 11 Палестинци загинаа, а повеќемина се повредени во израелските напади денес врз централниот дел на Појасот Газа, јавува Анадолу.
Државната палестинска новинска агенција Вафа објави и дека десетици Палестинци се повредени во палестинската енклава во нападите од раните утрински часови.
Се наведува дека екипите на цивилната одбрана успеале да извлечат пет тела, меѓу кои и на деца и жени, од урнатините откако израелските сили извршиле напад на домот на семејството Мана во населбата Шеик Радван.
Цел на израелското бомбардирање беше и дом во бегалскиот камп Ал-Бурејџ во Централна Газа, при што загинаа шест Палестинци, а повеќемина беа повредени, додава Вафа.
Израел ја продолжувса својата брутална офанзива врз Газа, по нападот на Хамас минатиот 7 октомври, и покрај резолуцијата на Советот за безбедност на Обединетите нации која бара итен прекин на огнот
Оттогаш, во нападите во Газа загинати се повеќе од 36.700 Палестинци, најголем дел жени и деца, а над 83.500 се повредени, според локалните здравствени власти.
Осум месеци од почетокот на израелската војна, огромни делови од Газа се во урнатини, каде постои и блокада на храна, чиста вода и лекови.
Израел е обвинет за геноцид пред Меѓународниот суд на правдата, чија последна пресуда му нареди на Тел Авив веднаш да ја прекине својата операција во јужниот град Рафа, каде над милион Палестинци побараа засолниште од војната пред копнената офанзива на 6 мај.
Извор: Anadolu Agency (AA)
