Раководството на Манчестер Сити ќе започне преговори за иднината на менаџерот Пеп Гвардиола, чиј договор истекува за точно една година. Претседателот на „граѓаните“ Калдун Ал Мубарак изјави дека во разговорите двете страни ќе се обидат да го најдат „вистинското решение“.
По завршувањето на сезоната во која Сити ја освои четвртата последователна титула, Гвардиола изјави дека е „поблиску до заминување отколку да го обнови“ договорот со клубот.
-Овој разговор сме го имале многу пати. Пеп отсекогаш бил целосно посветен на овој клуб, целосно посветен на секој договор што го потпишал со нас. Одлуката за неговата иднина отсекогаш била одлука што ќе ја донесеме заедно. Не се сомневам дека, како што секогаш правевме, ќе го најдеме вистинското решение и за Пеп и за нас, рече Ал Мубарак.
Извор: kurir.mk
