АНКАРА (АА) – Најмалку 35.386 Палестинци се убиени во израелските брутални напади на Појасот Газа од 7. октомври минатата година досега, објави денес Министерството за здравство во опколената палестинска енклава, известува Анадолу.
Во соопштението на палестинското Министерство се наведвуа дека во досегашните израелски бомбардирања и гранатирања на Газа се повредени 79.366 луѓе.
„Во израелските напади последнтие 24 часа убиени се 83 Палестинци, а ранети се 105“, се вели во соопштението.
Израел започна брутална воена офанзива врз Појасот Газа со неселективно бомбардирање на цивилни населби, училишта, верски објекти и болници по нападот на палестинската група Хамас на 7 октомври.
Заедно со нападите, Израел воведе и целосна блокада на Појасот Газа, оставајќи го неговото население, особено жителите на северна Газа, на работ на гладување.
Пред Меѓународниот суд на правдата Израел е обвинет за геноцид. Привремената пресуда во јануари му нареди на Тел Авив да ги запре геноцидните акти и да преземе мерки за да обезбеди хуманитарна помош за цивилите во Газа.
И покрај тоа, израелските напади врз Појасот Газа продолжуваат со несмален интензитет, а испораката на хуманитарната помош не е доволна за решавање на хуманитарната катастрофа.
Извор: Anadolu Agency (AA)
