ГАЗА (АА) – Најмалку 35.272 Палестинци се загинати во израелските напади врз Појасот Газа од октомври минатата година, соопшти денес Министерството за здравство во енклавата, јавува Анадолу.
Најмалку 79.205 лица се повредени во нападите, се истакнува од Министерството и се додава:
„Најмалку 39 лица се убиени, а 64 повредени во четири израелски ‘масакри’ врз семејства во Газа во последните 24 часа.“
Министерството нагласи дека многу од жртвите сè уште се наоѓаат под урнатините и на патиштата бидејќи спасувачите не можат да дојдат до нив.
Израел започна брутална воена офанзива врз Појасот Газа со неселективно бомбардирање на цивилните населби, училишта, верски објекти и болници по нападот на палестинската група Хамас на 7 октомври.
Повеќе од седум месеци од почетокот на израелската војна огромни делови од Газа се во урнатини, а постои и блокада на храна, чиста вода и лекови.
Израел е обвинет за геноцид пред Меѓународниот суд на правдата (МСП). Во привремената пресуда во јануари се вели оти е „веродостојно“ дека Тел Авив врши геноцид во Газа, наредувајќи му да ги запре таквите акти и да преземе мерки за да гарантира дека хуманитарната помош ќе стигне до цивилите во енклавата.
Извор: Anadolu Agency (AA)
