АНКАРА (АА) – Емирот на Кувајт, шеикот Мешал ал-Ахмад ал-Џабер ал-Сабах вчера го распушти Парламентот и суспендираше одредени членови од Уставот на земјата, јавува Анадолу.
Во говорот емитуван на државната кувајтска телевизија, шеикот Мешал нареди суспензија на некои членови од Уставот за не повеќе од четири години.
Тој го опиша потегот како „тешка одлука за спас на земјата и обезбедување на нејзиниот висок интерес“.
Додаде дека земјата се соочила со „неподносливи потешкотии и пречки“, во врска со несогласувањата меѓу Владата и Парламентот што доведоа до оставка на Владата неколку пати.
Во изминатите години често преовладуваа тензии во односите меѓу Владата и Парламентот во Кувајт, што доведе до оставка или разрешување на Владата во неколку наврати.
Извор: Anadolu Agency (AA)
